Gondar College of Teachers Education » 2023 » February

13

FEB

2023

በጎንደር ከተማ አዲሱ የአንደኛ ደረጃ የተማሪዎች የመማሪያ መፅሐፍትና የመምህር መምሪያን መምህራን ተዋወቁ የጎንደር ከተማ አስተዳደር ትምህርት መምሪያ አዲሱን ስርዓተ ትምህርት መሰረት በማድረግ የተዘጋጀውን የተማሪዎች የመማሪያ መፅሐፍትና የመምህር መምሪያ በከተማው በመንግስትና በግል ት/ቤቶች በማስተማር ላይ ለሚገኙ መምህራን ከየካቲት 2 ጀምሮ ሲያስተዋውቅ ቆይቷል፡፡ የመፅሐፍ ማስተዋወቂያ መርሃ ግብሩ ከ1ኛ እስከ 8ኛ ክፍል ለሚያስተምሩ መምህራን በዘመኑ ትምህርት እየተሰጠባቸው ባሉ አማርኛ፣ እንግሊዘኛ፣ ሒሳብ፣ አጠቃላይ ሳይንስ፣ አካባቢ ሳይንስ፣ ህብረተሰብ፣ የዜግነት ትምህርት፣ የክወናና እይታ ጥበባት ትምህርት እና ጤናና ሰውነት ማጎልመሻ የትምህርት አይነቶች በአዲስ ስርዓተ ትምህርት መሰረት በተዘጋጁ የመማሪያና ማስተማሪያ መፅሐፍት ዙሪያ ሲሆን ትውውቁን ቀደም ብሎ በመፅሐፍት ዝግጅቱ እና በአሰልጣኞች ስልጠና በተሳተፉ የጎንደር መምህራን ትምህርት ኮሌጅ መምህራን እና በየጉድኝቱ ተመርጠው የአሰልጣኞች ስልጠና በወሰዱ መምህራን ተስጥቷል። የጎንደር ከተማ አስተዳደር ትምህርት መምሪያ ምክትል ኃላፊ አቶ ነጻነት መንግስቴ 3,040 የአንደኛና መካከለኛ ደረጃ መምህራን በመፅሐፍት ማስተዋወቅ መርሀ ግብሩ ተሳታፊ መሆናቸውን ገልፀው የመፅሐፍት ትውውቁ መምህራኑ በአዲሱ ስርዓተ ትምህርት በተካተቱ አዳዲስ ነጥቦች ዙሪያ በቂ ግንዛቤ ይዘው የመማር ማስተማር ሂደቱን ጥራት ማሳደግ እንዲችሉ ታስቦ ከጎንደር መምህራን ትምህርት ኮሌጅ ማህበረሰብ አቀፍ አገልግሎት ጋር በቅንጅት መሰጥቱን አስረድተዋል። በስልጠናው ላይ የተሳተፉ መምህራን ከመጽሀፎቹ ይዘትና ተዛማጅ ጉዳዮች ጋር በተገናኘ የሚፈለገውን ግንዛቤ መፍጠር እንዲችሉ ያገዛቸው መርሀ ግብር መሆኑን ገልፀዋል፡፡

by Temesgen Asres

Comments are off

Continue Reading →

© Copyright 2020, Gondar College of Teachers Education

Contact: contact@gcte.edu.et